A pasada fin de semana finou a recoñecida escritora María do Carme Kruckenberg Sanjurjo, unha das nosas autoras máis singulares. Nada en 1926 no seo dunha familia acomodada de Vigo, con ascendentes alemáns, foi unha autodidacta que se formou pola súa conta en diferentes materias. Viaxeira incansable por América e Europa, fixo amizade con numerosas personalidades da cultura galega e española da segunda metade do século XX
Deixa unha extensa e máis que notable obra poética e tamén algunha incursión no mundo da narrativa. A súa estrea en galego prodúcese xa en 1956 co poemario Cantigas do vento.
