Roberto Noguerol

Nacín en Chantada, o mellor lugar do mundo para que un chantadino viva (aínda que a min a vida me levase a vivir a metade dos meus anos noutros lugares). De cativo dicíanme os vellos que polo xeito de ser estaba claro que era un noguerol e, aínda que non teño claro de todo a que se referían, creo que cousa mala non debe ser. Ultimamente curo a nostalxia daquel miñoto Mar de Dentro coa cercanía do Mar de Fóra. No que lle toca á relixión e á política confeso ser estudoso e practicante da felicidade e optimista radical, ambas as dúas prácticas pouco ortodoxas pero moi sans para o espírito. Gústanme os desafíos e gústame darlle voltas ás cousas, tamén a min mesmo. De cativo dixéronme un feixe de veces que roer nas letras servía para obxectivos seica moi proveitosos pero o máis proveitoso de todos non mo dixeran: provoca moito pracer.

1 Comentario

Deixar resposta

Please enter your comment!
Please enter your name here

*